Sunday, October 21, 2012

من رسائل القراء 11

انا بنت 20 سنة 
عايشه مع اهلي عندي اخت صغيره
بابا بدأ يبقا شيخ و لبس امي و انا النقاب و انا مخنوقة منه و بعدت عن صحاب كتير ليا و بعدت عن الانترنت و اتخنقت فكرت اعيش مع صحبتي و فكرت فالهروب حاولت و فشلت و حبسوني و عزلوني فالبيت عن كل حاجه حلوة حتى تليفوني و لابي و قنوات الافلام عالدش كل حاجه حرموني منها
انا مش عارفه اخرج من اوضتي
بقالي 3 شهور محبوسه
انا خلصت السنه اللي فاتت دي دبلوم صناعي
و مش عاوزني اكمل
دا ماما مش بتشتغل
انا خايفه يجبلي عريس و يجوزهولي غصب عني
ابويا قالي عاوز احافظ عليكي لحد اما يجيلك ابن الحلال
لما بقعد مع نفسي بخرج من بؤي الفاظ وحشة فالسر عليه
خنقني
انا خايفه فيوم و هو بيمد ايده لفظ من دول يطلع عليه
عارفه يا علياء
لو عرف ان انا بخش نت
ممكن يكون فيها دبح
الباب مقفول علينا كلنا انا و امي و اختي
انا لما بخرج من القوضة امي بتحط عينها عليا
و كل البيت بيبقا زي اللي بيراقبوني
انا فكرت ارمي نفسي من شباك
و فكرت اقطع شرياني فالحمام
و فكرت فكل دا
بس برجع و بقول انا ليا حق اني اعيش
عاوزة اروح جزيرة
مفهاش حد
خاااالص
لوحدي
و اعيييييييييييييش بقا
و لو فيها واحده صحبتي بحبها اوي
تبقا العيشه جميله
مش عاوزة اكتر من كدا
انا ليسبيان
زمان كان ليا صديقتي فاعدادي
دي اللي بقولك بحبها
انا و هي كنا بنعمل كدا
بس زمان اوي
من 5 سنين تقريبا