Tuesday, January 24, 2012

طالما راضيين على نفسهم انهم يبقوا عبيد نازلين مسيرة ليه ؟؟؟ ولا مشاركة المرأة بقت ديكور بيجملوا بيه اى خرا !!!!
By Asma Ali
النهارده كان في مسيرة زفت (آل إيه) نسائية في ميدان التحرير للحشد ليوم ٢٥ يناير
اللي حصل فيها بقي هو كالآتي قرف ..زفت .طين .قطران ..تخلف .جهل ..عنصرية..تعصب ..جهل واللي عنده حاجة يكملها أولا :المسيرة (النسائية) اللي بيتقدمها رجالة بأعداد كبيرة واللي بيحاوطها رجالة والكي بيقودها رجالة والهتيفة رجالة ..لأ وحبايبنا الرجالة دول كانوا بيعملوا إيه كمان ...كانوا رابطينهم مع بعض بحبل وماسكين الحبل هم اللي بيشدوه وهم اللي بيتحكموا فيه....أقفوا يقفوا ..نمشي نمشي ...مشهد فكرني بعبيد القرون الوسطي لما كانوا بيربطوهم بسلاسل وهم بينقلوهم عشان ميهربوش
المشكلة بقي إنهم كانوا فرحانين ومبسوطين ومنشكحين وكأنهم لم تأخذ منهم حريتهم التي يطالبون بها تحت سمعهم وبصرهم بإسم الحماية وكأنهم لم تنتزع منهم كرامتهم بل وإنسانيتهم في أكثر منفر ومدعاة للسخرية في آن واحد بإسم الحماية
عار علينا ..عار علينا ..من هنا لحد متفوقوا عار علينا