Wednesday, March 28, 2012

من رسائل القراء 3

انا عارف ان في الدنيا حاجات بشعه حصلت لناس بس انا مش عارف اللي انا شوفته وعيشته ده في اسوأ منه انا زي ما قولتلك اننا كنا عايشين ف السعوديه وبابا كان بيعامل ماما و اختي معامله بشعه بجد هوا معرفش كان سلفي ولا ملتحي ولا متشدد اهو حاجه غريبه كده هوا طبعا كان بيمنع ماما او اختي انهم يخرجوا او يعملوا اي حاجه الا باذنه وطبعا كان ملبسهم حجاب ونقاب بالعافيه وممنوع مثلا يحطو مكياج او حاجه من الحاجات ديه حتي جوا البيت كان بيضربهم ساعات لو لقي واحد فيهم مش مغطيه شعرها جوا البيت المهم انتي اكيد عارف او تسمعي عن حاجه اسمها الجماعات وان كل جماعه ليها امير وان الناس اللي في الجماعه لازم تسمع وتنفذ كل اوامرو بابا كان في واحده من الجماعات ديه وليها امير وساعات الامير ده كان بيجي عندنا البيت والامير ده شاف ماما وماما يعني علي قدر كويس من الجمال وشها جميل وجسمها هيا كانت بتحاول تاخد بالها من نفسها رغم البهدله اللي كانت بتشوفها المهم الامير ده شاف ماما انا افتكرت ساعتها ان بابا هيتخانق مع ماما لان حد غريب شافها بس حصل العكس تماما بابا هوا اللي خلي ماما تقابل الامير ده وبعد كده مره في مره بقي يقولها اقلعي الحجاب والنقاب واعملي شعرك وحطي مكياج انا طبعا مش بتكلم علي موضوع انها تقلع الحجاب لاني بصراحه اصلا مش مقتنع بيه انا استغربت علي اللي بابا بيعملوا بيخليها تعمل كده مع الامير ده وغير كده لاء وماما كانت بترفض وكانت فعلن بتضرب ضرب مش طبيعي ويخليها تعمل كده غصب بعنها وبدأ يخليها تلبس قمصان نوم وحاجات قصيره اوي ومفتوحه وشفافه علشان الامير وهيا كانت بترفض بس للاسف مكنتش بتقدر ولا بتستحمل التعذيب وبابا يقولها ده امير الجماعه ليه السمع والطاعه وكل نساء وبنات الجماعه ملك يمينه وانا لما كبرت فهمت يعني ايه ملك يمينه واعتقد انتي عارفه ياعني ايه ملك يمينه لدرجه انا بابا كان بيدخلها للامير قوضه لوحدهم بعد الضرب والتعذيب وطبعا التاني كان برضه كان بيضربها ولما رفضت جدا هدودها انهم هياخدوا اختي ويخلوها مع الامير في بيته وبابا يقولها ده شرف ان اخلي بنتي جاريه عند الامير وانا كنت بحاول ادافع عنهم وكنت بضرب وبتبهدل انا كان ساعتها عندي حوالي 11 12 سنه واختي كان عندها 9 سنين المهم بعد فتره وعذاب ماما قدرت تنفصل عن بابا وروحنا للسفاره و ماما اطلقت من بابا ورجعنا مصر وفضلنا نعزل من مكان لمكان كذا مره وقطعنا اتصلنا مع كل اللي نعرفهم علشان بابا ميعرفش لينا طريق لانو فضل فتره يدور علينا لان زي ما بيقول مينفعش نخرج عن طوعه وحاليا ماما واختي قلعو الحجاب وبدأوا يغيرو لبسهم لان حتي بعد ما رجعنا من السعوديه فضلوا فتره خايفين بس دلوقتي بقوا احسن وانا بجد فخور انهم قدروا يكسروا حاجز الخوف ده وبحاول علي قد ما اقدر اساعدهم بس من فتره كده حصلت حاجه جديده في حياتنا ماما اتعرفت بانسان هو شخص كويس بس المشكله ان الشخص ده مسيحي وماما مسلمه ومخبين الموضوع ومش عارفين يعملو ايه وانا حاسس انا ماما حزينه ونفسي اعمل اي حاجه تخليها مبسوطه واساعدها بس مش عارف اساعدها ازاي وايه الحل في الموقف ده

Saturday, March 17, 2012

من رسائل القراء 1

علياء الجميلة ..
عندي كتير اشياء بدي قلك ياها .. انا حاسة بالوحدة .. وصايبني هاجس من خوفي من عدم نجاح خطتي في الاستقلال .
سئمت حياتي هون .. سئمت كوني عبارة عن ملك خاص بأهلي .. سئمت احساسي بأني عقار وسيقومون بتأجيري لشخص يتملّكني ويفضّ عذريتي لأكون انا احمل صفة : مفتوحة وكأني علبة تونة ولا املك اي مشاعر ولا احاسيس ولا حقوق انسانية .. سئمت كلامهن عن فضيلة الحجاب امامي محاولة بائسة منهم لجعلي اتحجب .

محتاجة احكي مع شخص متلك .. عاش و جرّب و بالتأكيد لديه الكثير ليقوله .

بهيك مجتمع معفن وعنصري يللي اغلاطي بيضاعفوها وبيقوموا بتقليص أغلاط اخي .
انا رح انفجر يا علياء.
أرجوكي بدي احس انو في أمل ..
خبريني انو في أمل ..

اليوم ابي و أخي كانوا يقهقهون بمسخرة عليي .. لانهم يظنون بأني غبية لاني اعمل عملين في آن واحد , احدهما في التنظيف .
قام ابي بالسخرية على احد اقوالي : بأن العمل لا يقيّم الإنسان وبأن العمل من أعظم القيم الشريفة على الإطلاق .

قهقه بقباحة وبعنصرية وهو يقارن بين مفهوم الشرف الزائف الذي يتبنّاه وبين مفهومي للشرف والكرامة .
وقال بلهجة مقززة يا علياء .. دمعت عيناي من تذكّرها الآن :
بأنني اذا قمت بفعل أي غلط سيقصّ لي رقبتي .

اشعر باني لا املك اي قوة تجعلني احتمي من هذا الحقير الوحش .
انا لا اؤمن بإله .. لان صفات الإله الذي كنت اؤمن هي ذاتها صفات هذا الأب المرعب .

اشعر بالضعف واحتاج لبعض الأمل والدعم

لو كان عندك وقت تسمعيني , بليز خبريني .. لاني مليانة حكي .. مليانة سخط .. مليانة غضب من الداخل .. بدي اكتب واكتب بدي اصرخ بدي اتخلص من كل قيودي بدي اطير .. بدي احلّق .. بدي ارجع لعشّي بالوقت اللي بيريحني بدون ما حدا يسألني ليش اتاخرت .. بدي اضحك من كل قلبي .. بدون ما حدا يقلي انتي بنت وطّي صوتك ..

تحياتي لإلك 
وآسفة على الازعاج

Saturday, March 10, 2012

كوني حرة


الموضوع ابتدى لما كنت صغيرة ، كل ما افكر في حاجة و اسأل فيها يكون الرد ممنوع أو حرام ، كل ما أحب أعمل حاجة يكون الرد مايصحش ، كل ما اضحك يتقاللي عيب تضحكي بصوت عالي ،، كل ما اتكلم يتقاللي وطي صوتك !! كنت طفلة صحيح و مش مدركة حاجات كتير بس كنت حاسة اني متكتفة ، اني مش ملك نفسي 
و لما ابتديت أكبر و يكون ليا شخصيتي و صوتي رجعت اسأل أهلي و كل اللي حواليا انتوا ليه كنتوا بتعملوا معايا كده ، يكون الرد بنربيكي أو خايفين عليكي أو الصغيرين لازم يسمعوا الكلام 
و كل ما كنت بكبر أكتر كل ما الحواجز كانت بتزيد أكتر .. و كانت بتزيد جوايا رغبة اني عاوزة اكسر القيد ده و اني في عالم مش بتاعي 
هتكلم بصفتي بنت ، كان ممنوع أخرج لوحدي ، كان ممنوع أتأخر برة عن الساعه 9 ، كان ممنوع أضحك في الشارع ، كان ممنوع صوتي يعلى ، كان ممنوع أحضر ندوات ثقافية ، كان ممنوع أمثل او أغني ، حاجات كتير اوي من حق الانسان العادي ممارستها بس ماكانتش من حقي ، 
زي اي بنت ، كان بيمارس عليا اساليب كتير من القمع ، زي الحجاب لما اتفرض عليا ، زي الجواز لما اتفرض عليا في وقت ماكنتش عاوزاه، زي نوع الدراسة لما اتفرض عليا و غيرته من ورا أبويا ، زي شكل اللبس و حتى ألوانه ، زي طريقة الكلام و طريقة الهزار 
يااااه ... حاجات كتير جدا .. و تحت اسم الدين أو الأخلاق او او او و كلها في نظري مالهاش علاقة 
المجتمع عايش كله بيضحك على بعضه .. الأم و الأب عاوزين بنتهم تدخل كلية من اللي بتاخد أعلى مجموع عشان بس الناس تقول دي بنتهم دكتورة و لا مهندسة  بغض النظر عن هي بقى عاوزة تدرس ايه ، و يا سلام بقى لو الدراسة اللي هي عاوزاها برة المدينة اللى هم ساكنين فيها، يبقى في المشمش ياختي ده انتي تعدي تمسحي و تكنسي أحسن .. 
الأهل عاوزين بنتهم تتجوز أحسن واحد و أغنى واحد و أشيك واحد بغض النظر بقى عن هي بتحب مين و اللي حظها حلو يطلع الانسان اللي هي حبته مطابق لمواصفات الاهل و اللي غير كده يبقى يومها اسود 
الأهل عاوزين البنت تبقى صوتها واطي بتمشي ماحدش يشوفها ولا يحس بيها و الا تبقى عاوزة تلفت النظر ليها و تبقى بنت مش محترمة و مايصة .. ماحدش بيشوف انها مجرد انسان من حقه يعبر عن مشاعره بالشكل اللي مريحه من حقه يمشي و يتكلم و يضحك و يرقص و يعمل كل اللي هو عاوزه !!
كل إنسان ماشي بيتظاهر بحاجة و جواه رغبات تانيه خاااااالص ، عشان بس كل انسان بيعبد كلام الناس ، و في النهايه كلهم عبيد لبعض !! و ماحدش مرتاح و عايش نفسه بجد !! 
انا ماوجهتش كلامي للولاد عشان الولاد عندهم فرصة اكبر انهم يستقلوا لاننا فى مجتمع ذكوري ، معظم الأهالي مابتقولش للولد انت بتعمل ايه و رايح فين و جاي منين و روح ايه و ادرس ايه و البس ايه .. ده قليل اوي مع الولاد
انا اللي حصل معايا ان بعد مواقف كتير اوي من دي كبر جوايا احساس اني لازم ابقى ملك نفسي ، لازم شكلي يعبر عني ، و ضحكتي و كلامي يعبروا عني ، واللي بعمله و بدرسه في حياتي يعبرو عني و الانسان اللي بشاركه حياتي عيبر عني 
و ده كله صعب اوي في وجود الأهل أو بمعنى ادق في وجود سلطة الأهل 
فكان لازم اكسر القيود دي
حد هيسألني و ازاي عملتي كده و انتي بنت ؟ و روحتي فين و عيشتي ازاي و عملتي ايه !! مليون سؤال بيدور في ذهن كل حد 
انا حطيت هدف في دماغي اني لازم استقل بنفسي ، يكون عندي بيت بتاعي من غير اهلي ، و حياة مستقله تماما عن اهلي 
الهدف ده فضلت اشتغل عليه سنين من غير ما حد يحس .. كنت بشتغل في حاجات كتير اونلاين و كنت بصمم كروت بيزنيس و دعوات افراح و حاجات اقدر اعملها من البيت من غير ما حد يحس .. عشان اجيب الفلوس اللي تخليني اقوى و تخليني اقدر استقل .. كل بنت تقدر تعمل حاجات كتير مختلفة في بنت تقدر تصمم اكسسوارات و تبيعها 
في بنت ممكن تطبخ اكل و تبيعه .. اللي بتعرف تعمل اي حاجه هتقدر تستغلها صح عشان تعمل اللي بتحلم بيه بس اهم حاجه الارادة 
اول ما سبت البيت و استقليت طبعا في ناس كتير بكنلهم كل الحب و الاحترام وقفوا جنبي لما كنت لوحدي
واجهت اضطهاد كبير جدا من المجتمع لمجرد اني بنت عايشة لوحدها، و مرة مديري طردني من الشغل عشان عرف بردو اني عايشه لوحدي
دورت على شغل و اشتغلت حاجه مابحبهاش ابدا بس بعرف اعملها 
اشتغلت في كول سنتر و خدمة عملا ..كانت شغلانه مملة جدا بس حسيت فيها بنفسي عشان بصرف على نفسي  لحد ما قدرت في النهاية اشتغل في المجال اللي بحبه
تاني حاجة سحبت ورقي من كليتي و قررت ادرس حاجه بحبها بعد 5 سنين قضيتهم في هندسة قررت ارميهم في الارض مقابل اني احقق اللي عاوزاه 
الحياه مش سهلة و واجهت و هواجه صعوبات كتير اوي بس ايماني بنفسي هيخليني اعديها 
انا دلوقتي و انا بمثل نفسي بدون اي نفاق او وشوش او تنكر بقدر انتج احسن حاسه اني عايشة بجد مش مدفونة بالحيا .. ليا حياتي و اهدافي و ناسي و كل حاجة ..
انا شخصيا سبت اهلي عشان كان في بيننا مشاكل بس مش معنى كده اني بقول ان بس اللي عندهم مشاكل هم اللي مفروض يستقلوا عن اهاليهم .. لا بالعكس انا شايفه ان اي انسان مفروض عند سن معين يستقل عن أهله عشان يقدر ينجح و يعتمد على نفسه و يكون حر نفسه تماما و هيكون حظه حلو اللى اهله متفتحين و قادرين يقبلوه و هو مستقل عنهم ، و هيكون حظه أحلى اللي أهله مش قابلينه لأنهم في الحالة دي هيكونوا أهل متسلطين و اريحله انه يخلص من جحيمهم
الحرية قيمة كبيرة اوي من اهم و اسمى قيم الانسانية و الحياه 
الانسان بدون حريته مش انسان انما مجرد عروسة ماريونيت في ايد شخص بيحركها او مجتمع كامل بيحركها عمرها ما هتنتج ولا تتحرك غير في الإطار اللي مسموح ليها بيه 
و عشان الحرية من اسمى القيم فأكيد تستحق ندفع عشانها كتير من عمرنا و مجهودنا و وقتنا و شجاعتنا مهما كلفنا الأمر .. كوني حرة و اتخلصي من اي قيد و كل ما تكسري قيد هتكتشفي انه كان ولا حاجة و هتلاقي نفسك بتقوي اكتر و بتكسري قيود اكتر و اكتر لحد
ما تتقابلي في النهاية مع نفسك زي ما بتتمنيها .. كوني حرة


By: Sahar Maher El-Issawi

Thursday, March 8, 2012






1- انا سميت نفسي علياء عشان انا بحبك أوووووي ونفسي ابئا زيك
2- انا لبست الحجاب غصب عني ونفسي اولع فيه
3- مش بطيقه اصلا وبحس اني مخنوئة اوي وانا لبساه
4- ولما فكرت اقلعو مرة اتشتمت واتبهدلت من اهلي
5- انا لبساه من وانا عندي 6 سنين
 6- بتمنى اني اهرب من البيت او اهلي كلهم يموتو عشان البس اللي عاوزاه



Sahar Maher El-Issawi
الفرق مابين الزيف والحقيقة بمعنى الكلمة



Houda Ramadane
Yes, I removed the society's mask !